Dy ditë para tryezës që pritet të organizojë OSBE për reformën zgjedhore, kryetari i Partisë Demokratike, Lulzim Basha do të zhvillojë ditën e nesërme në orën 14:00 një takim me aleatët e tij në selinë blu.
Ky takim vjen edhe pas kërkesës së aletave, të cilët kërkojnë prej Bashës afrimin e të gjithë kontribuuesve ndër vite përfshirë edhe të atyre të cilët u larguan prej lidershipit demokrat përmes listave për deputet.
Pak ditë më parë përmes një letre publike kryeministri Edi Rama ftoi opozitën jashtëparlamentare në dialog, por pa kushte të paracaktuara.
Por, në një reagim të mëvonshëm Basha e refuzoi ftesën e Ramës duke thënë se në këtë mënyrë nuk mund të zgjidhet kriza politike./ Opinion.al E.Xh.
