Zv. Ndihmës Sekretarin e Shtetit të SHBA, Hoyt Brian Yee i cili ndodhet sot në Shqipëri ka takuar edhe kreun e Kuvendit, njëherësh President i zgjedhur, Ilir Meta. Zyra e tij për mediat ka publikuar se ccfarë i ka dhënë Meta z. Yee.
“Bojkoti nuk është zgjidhje dhe opozita duhet të gjejë të gjitha forcat për t’u përfshirë në procesin zgjedhor, për t’i shërbyer demokracisë dhe të ardhmes evropiane të vendit. Njëkohësisht mazhoranca duhet të tregojë vullnet maksimal për përfshirjen e opozitës dhe respektimin e kërkesave dhe të drejtave të saj”, mësohet ti ketë thënë Meta zyrtarit amerikan.
Ndërsa zyrës së shtypit të Kryetarit të Luvendit, zyrtari amerikan është shprehur se “SHBA do të vazhdojë të mbështesë përpjekjet për të forcuar demokracinë dhe për të luftuar korrupsionin dhe krimin e organizuar në Shqipëri”.
