Kryedemokrati Lulzim Basha zhvilloi ditën e sotme një takim me aleatët e tij, ku në fokus ka qenë situata aktuale politike në vend.
Pas takimit, Basha u shpreh se opozita ka hartuar planin për të nxjerrë vendin nga kriza dhe se ku plan i është dorëzuar kryeministrit Edi Rama dhe njerëzve të tij.
Kreu i PD tha para gazetarëve se Rama duhet të zbatojë këtë plan ose në të kundërt të “hap krahun”.
“Kjo nuk është një çështje për Bashën, nuk është një çështje për Ramën. Shqipëria është në krizë, vendi është në krizë. Ne kemi një plan për ta nxjerrë vendin nga kriza. Ne kemi një plan për reformën zgjedhore. Ia kemi dorëzuar këtë plan Edi Ramës dhe përfaqësuesve të tij. Ta marri ta zbatojë, nëse nuk e zbaton dot të hapë krahun se jemi të gatshëm ta zbatojmë ne”, deklaroi Basha.
Ditën e djeshme, Rama është shprehur se është i gatshëm për të bashkëpunuar me opozitën, duke thënë se mund të shkohë dhe në selinë e PD për të realizuar dialogun./ Opinion.al E.Xh.
