Kryeministri Edi Rama ndodhet në Vjenë për të marrë pjesë në mbledhjen e Këshillit Special të OSBE për krizën në Bjellorusi.
Takimi i parë i Ramës ka qenë me zv/sekretarin amerikan të Shtetit i cili është njëkohësisht edhe i dërguari i SHBA për Bjellorusinë, Stephen Biegun.
Në një pronocim për TV Klan, kryeministri Rama tha se do të ketë takime me një sërë përfaqësuesish të shteteve të tjera.
“Kjo është një përpjekje e OSBE. Më vjen mirë që nisma jonë mori një mbështetje kaq të madhe që shkon në drejtim të një procesi ku OSBE nuk do të jetë ndërmjetëse ose negociatore por lehtësuese në komunikim.”, shtoi ai.
Nesër Këshilli Special i OSBE që do të diskutojë dhe propozojë edhe ndërmjetësim për zgjidhjen e krizës në Bjellorusi të shkaktuar nga zgjedhjet e fundit presidenciale, ku Lukashenko akuzohet për manipulim rezultati.
Shqipëria udhëheq këtë vit Kryesinë e OSBE, dhe Rama si kryeministër është dhe kryetar i saj. Ai i bëri ftesë Bjellorusisë për ndërmjetësim të një dialogu nga OSBE për zgjidhje, e cila s’ka marrë ende përgjigjie nga Presidenti Lukashenko./ Opinion.al
