Kremlini ka bërë të ditur këtë të dielë se Presidenti i Rusisë, Vladimir Putin dhe lideri i Bjellorusisë, Alexander Lukashenko, kanë rënë dakord të takohen në Moskë.
Në një telefonatë të dielën, Putin dhe Lukashenko ranë dakord se ata duhet të forcojnë marrëdhëniet dypalëshe dhe të zgjerojnë bashkëpunimin, shkruan Reuters. “Është rënë dakord të mbahet një takim në Moskë në javët e ardhshme”, njoftoi Kremlini.
Presidentët e dy vendeve nuk janë takuar që prej nisjes së protestave antiqeveritare në Bjellorusi.
Mijëra protestues kanë dalë në rrugët e kryeqytetit duke kundërshtuar rezultatin e zgjedhjeve presidenciale të cilat nxorrën fitues Lukashenkon. Ky i fudit thotë se protestat synonjnë destabilizimin e vendit.
Tre ditë ma përë, Putin u shpreh se Rusia i ka gati trupat për të ndërhyrë në Bjellorusi, por thekson se këtë gjë do ta bëjë në momentin kur ”ekstremistët të fillojnë të djegin automjetet ose shtëpitë”. /Opinion.al
