Ish-kryeministri, Sali Berisha, ditën e sotme po zhvillon një tryezë diskutimi me grupin e ekspertëve të Partisë Demokratike në lidhje me krizën energjitike.
Gjatë fjalës së tij Berisha tha se Shqipëria ka 3-4 fishuar çmimin energjisë për biznesin dhe pretendon të rrisë edhe për konsumatorët.
Ish-kryeministri theksoi se Shqipëria shiti energji me 42 € kur në të njëjtën ditë në bursë ishte 130 €, duke nënvizuar se shkaku themelor i krizës në Shqipëri nuk është moti, lufta, por është plaçkitja, grabitja, vjedhja në sipërmarrjet energjitike.
“Shqipëria është vendi i vetëm në Europë që ka tre-katërfishuar çmimin e energjisë për bizneset. Dhe premton të rrisë në mënyrë absurde çmimin e energjisë për konsumatorët. Shqipëria është vendi i vetëm në Europë që takson naftën mbi 1 euro, që prodhon 1 mln ton dhe që ka dy-tre çmimeve më të larta në Europë. Sigurisht Shqipëria nuk është një ishull, por pjesë e kontinentit. Megjithatë, në rrafshin e energjisë dhe prodhimit të saj, Shqipëria është vendi që duhet të ndjente më pak se çdo vend tjetër ndikimin e mbi energjetikën e kontinentit të agresionit rus mbi Ukrainën. Kjo pasi energjia e saj në masën 96-98 % është tërësisht ujore. Jo vetëm që është ujore, por ajo prodhohet me kosto më të ulët se në çdo vend tjetër të kontinentit. Së treti; prodhimi i energjisë në Shqipëri gjatë vitit 2021 është më i larti në rekord historik, rreth 8.9 mld kv/orë. Duke parasysh këto faktorë dhe neqoftëse analizojmë qëndrimin në menaxhimin e rezervës ujore të kaskadës, konstaton se shkaku themelor i energjetiken në Shqipëri nuk është moti, lufta, por është plaçkitja, grabitja, vjedhja në këto sipërmarrje. Shqipëria nuk besoj se ka vend tjetër që zbraz digat në kundërshtim me ligjet e saj dhe shet energji në emër të liberalizmit të tregut me 42 euro, kur në bursë është 130 euro.”, tha Berisha./Opinion.al
