Kriza e emigrantëve, Merkel me sytë nga Turqia

Mijëra emigrantë janë bllokuar nga kontrollet e shumta në vendet e Ballkanit. Kroacia i kërkoi fqinjit të saj verior, Sllovenisë të pranojë 5 000 emigrantë çdo ditë, por autoritetet sllovene mund të përballojnë vetëm gjysmën e kësaj shifre. Këto kufizime shtuan numrin e emigrantëve në kufirin mes Kroacisë dhe Serbisë. Duke shpjeguar vendimin, Sekretari i Përgjithshëm i Ministrisë së Brendshme e Sllovenise tha se “ai lidhet me kufizimin e numrit të emigrantëve që mbërrijnë në bazë ditore në Austri, që aktualisht pret 1500 azilkërkues në ditë. Për arsye sigurie, Hungaria vendosi të mbyllë kufirin me Serbinë dhe Kroacinë, cka i detyroi emigrantët të devijojnë rrugën drejt Sllovenisë. Sipas UNHCR-së, vendimi I autoriteteve hungareze për të mbyllur kufijtë nuk bën gjë tjetër, vecse shton deshperimin e emigranteve.Autobusët me emigrantë u bllokuan në Serbi dhe zhgënjimi I tyre u reflektua edhe në përplasje me forcat e rendit. Shumë u detyruan të qëndronin në shi dhe në të ftohtë. Mijëra azilkërkues- që kanë udhëtuar nga Turqia përmes Greqisë, në Maqedoni dhe Serbi synojnë të arrijnë në Austri, Gjermani dhe vende të tjerë. Në Turqi, kancelarja gjermane Angela Merkel ofroi një paketë lehtësirash për Ankaranë, në këmbim të bashkëpunimit për krizën e emigrantëve. Kryeministri turk, Ahmet Davutollu garantoi bashkëpunimin duke thënë se “zgjidhja e emigracionin varet nga zgjidhja e konfliktit në Siri”.