Kufjet e reja pa fish të iPhone 7 duket se kanë shkaktuar edhe pakënaqësi ndaj përdoruesve të teknologjisë.
Risinë e Apple për të sjellë kufje pa fish, por me bateri dhe që komunikojnë me pajisjen e telefonit përmes valëve infrared, më pak kritikët e kanë quajtur të guximshme, të tjerë të parakohshme, ndërsa disa të tjerë si “bllof”.
Në disa forume, si në “MacRumours” këshillojnë të gjithë fansat e Apple që të mos e blejnë iPhone 7, por të presin pasardhësin e tij shtatorin e ardhshëm.
iPhone 7 u prezantua ditën e mërkurë në San Françisko nga kreu i Apple Tim Cook. Produkti ka përmirësime të ndjeshme në çdo pjesë, që nga bateria, ekrani, kamerat, procesori dhe vjen në dy versione, iPhone 7 dhe iPhone 7 Plus.
