Arben Imami, një zë kritik për mënyrën se si Lulzim Basha ka drejtuar PD-në ka mbështetur kryedmokratin pas protestës të së shtunës. I ftuar në Abcnews ai ka thënë se protesta e 16 shkurtit tregoi që ka vullnet popullor për të mos pranuar këtë qeverisje që ka sot Shqipëria.
“Protesta ishte serioze, masive dhe tregon që qeverisja e sotme nuk ka legjitimite. Kjo është qevrisja më e keqe që ka parë Shqipëria. Ne pamë që populli opozitar bëri protestë që tregon se kjo qeverisje nuk është më legjitime. I gjithë problemi është për të ardhmen. Nga kjo pikëpamje e shprehjes së vullnetit të sovranit unë besoj që e ka arritur suksesin. Thelbi i protestës tregoi që ka vullnet popullor për të mos pranuar këtë qeverisje të zezë që ka sot Shqipëria. Nuk di një rast të dytë të ketë ndodhur një bastisje totale e vendit sa këto 5 vitet e fundit. Një qeveri në mbështetje të krimit dhe jo të qytetarëve. Nuk është hera e parë. Kishte një masë kritike që thekson këtë mungesë legjitimiteti. Ata që dolën në shesh e vërtetuan këtë gjë”. G.F/Opinion.al
