Duke filluar nga 1 Prilli deri në Dhjetor të këtij viti të gjithë punonjësit e sektorit privat me pagë minimale prej 40 mijë Lekësh do të përfitojnë kompensim financiar nga shteti për pagesën e sigurimeve shoqërore dhe shëndetësore.
Qeveria në mbledhjen e fundit të saj miratoi vendimin që u vjen në ndihmë rreth 30 mijë punonjësve të cilët preken nga vendimi tjetër që e rrit pagën minimale nga 34 mijë Lekë në 40 mijë Lekë.
Sipas këtij vendimi bëhet fjalë për kompensimin e shtesës së pagës minimale nga 34 000 Lekë në 40 000 Lekë.
Subjektet përfituese të kompensimit financiar janë ato që ushtrojnë aktivitet në sektorët ekonomikë të nomenklaturës së veprimtarive ekonomike në industri përpunuese, bujqësi, pyje dhe peshkim.
