Kryeministri Edi Rama në një prononcim për mediat këtë të martë ka folur për deklaratën e ministrisë së jashtme për nisjen e procedurave për zëvendësimin e Ambasadores Yuri Kim.
I pyetur se përse kjo ministri ka bërë një deklaratë të tillë, duke thyer etikën, Rama tha se nuk është thyer etika, ndërsa ky reagim i ministrisë së jashtme sipas tij është bërë për ambasadoren e SHBA pasi me Shtetet e Bashkuara Shqipëria ka një marrëdhënie të veçantë.
“Nuk është thyer asnjë etike dhe procesi për zëvendësimin ka nisur siç është thënë nga Ministria e Jashtme, e ka nisur departamenti i shtetit jo ne. Sepse Amerikën e kemi të veçantë nuk komentojmë për të gjithë ambasadorët dhe sikur ta kometonim, askush nuk do ta kishte mendjen apo jo?”-tha Rama.
I pyetur nëse mes tij dhe Kim ka një krisje të marrëdhënieve, Rama tha: Ngjitja mes meje dhe ambasadores është më e fortë se kurrë nëse mund ta përdorim me metaforë, dje kemi pasur një takim të gjatë konstruktiv, miqësor.
