Të dekoroni pemën e Krishlindjeve ju duket si shaka, por nuk është.
Për të përfituar një rezultat perfekt të fotove që do të postoni në rrjetet sociale, duhet impenjim dhe kujdes në detaje.
Për të pasur një pemë perfekte duhet të ndiqni disa rregulla strikte, në mënyrë që pema juaj e Krishlindjeve të jetë perfekte si në ato që shikoni në filma, të pasura me dekorime, pra me një fjalë për t’u patur zili.
Nga zgjedhja e pemës tek vendosja e dritave dhe zbukurimeve, ju shpjegojmë hap pas hapi si të dekoroni pemën perfekte të Krishlindjeve.
Si ta zgjidhni pemën e Krishlindjeve
Fillohet nga përmasat; merrni masat e tavanit të shtëpisë dhe llogarisni që diametri të ketë bazën maksimale.
Nëse tavani është shumë i lartë, por hapësira është e limituar, më mirë kërkoni pemë me një diametër më të vogël pa hequr dorë nga lartësia. Rregulli do që maja e pemës të mbërrijë deri në 50 centimetra nga tavani.
Si dallohet një pemë e mirë
Varianti i dytë për të marrë në konsideratë përsa i përket numrit të degëve; sa më shumë degë të jenë , aq më e bukur do të jetë pema juaj.
Materali pastaj, pastaj nuk duhet nënvleftësuar: të shpenzoni pak do t’iu sigurojë të keni një pemë perfekte për shumë Krishtlindje. Më të mirat janë ato me hala të shkurtra dhe me shumë degë të shkurtra tek maja.
Si ta hapni pemën e Krishtlindjes
Dhe këtu është gabimi më i zakonshëm: hapja e degëve është një moment themelor.
Ata që janë më afër me trungut hapen në mënyrë që të vijnë pingul me trungun, ndërsa ato të jashtmet duhen hapur një nga një dhe t’u jepet pak lakim nga poshtë , në mënyrë që të kenë efekt të ngjashëm me pemët natyrale.
Nëse pema është e bukur dhe degët janë hapur mirë, dritat do të mjaftojnë për një rezultat mahnitës.
Si zgjidhen dritat
Dritat janë thelbësore për një pemë Krishtlindjesh dhe bëjnë punën më të madhe, kështu që ia vlen të mendosh mirë për dritat që preferoni, ose që të na përshtaten sa më mirë me arredimin e shtëpisë.
Si e dekoroni pemën?
Pasi mbushni pemën tuaj me drita, vendosni dekorimet, duke ndjekur një rregull: mos i vendosni kurrë në një rresht, as vertikal as horizontal.
Paraqitja duhet të jetë homogjene, pra të duket e rastësishme.
Çfarë ngjyre të dekoroni pemën
Ajo është vetëm dhe ekskluzivisht shije personale, edhe pse nga viti në vit ka tendenca që preferohen më shumë se të tjerët.
Në çdo rast, mos u frikësoni dhe guxoni me kombinime të reja të ngjyrave, përveç klasikëve të mëdhenj.
Rregulli thotë se për një rezultat perfekt duhet të zgjidhni midis katër dhe shtatë ngjyrave.
Çfarë mund të vendosni tjetër në pemën e Krishtlindjes?
Në pemë mund të vendosim gjithçka. Mos u kufizoni me ato që shiten, si topat fjongot, etj, ju mund të vendosni edhe kukulla pellushi, fotografi, biskota ose objekte të çdo lloji – çdo gjë mund të bëhet dekorative – dhe do të pasqyrojë atë çfarë ju pëlqen më shumë, do të jetë personale dhe e bukur./ata
