Aktualitet

Kriptovalutat e mashtrimet në call center,Braçe:U bëmë turpi i botës,ç’po bën AMF


Bëhu pjesë e Grupit Zyrtar të Opinion.al
>> KËTU <<
               Publikuar në : 11:32 - 10/05/22 |
Opi Nion

I njohur tashmë për qëndrimet e tij kritike, deputeti i PS, Erion Braçe, në mbledhjen e sotme të Komisionit të Ekonomisë ka ngritur shqetësimin e kriptovalutave dhe të call center-ave, që sipas tij janë kthyer në një aktivitet kriminal.

Braçe tha se Komisioni i Ekonomisë la detyra, por që nga 2018 e këtej jo vetëm që nuk janë përmbushur, por fenomeni është bërë aq i madh sa u kthye në një fenomen kriminal.

Më tej deputeti teksa u ndal te aktiviteti i call center-ave u shpreh se Shqipëria u bë trupi i botës për shkak të mashtrimit të qytetarëve, ndërsa theksoi  se ky fenomen u godit vetëm për shkak të raportimeve që erdhën nga agjenci ligjzbatuese të vendeve të huaja.

“Për shkak të aktivitetit kriminal të gjerë veçanërisht në tregun kapital por edhe të kriptovalutave. Unë mendoj që raporti i AMF do ti kushtonte vëmendje këtyre fenomeneve. Për fat të keq në raport nuk ka asgjë për to. Në raprortimin e 2018 në Komisionin e Ekonomisë kjo çështje ka qenë kyçe. Ne lamë detyra të qarta për AMF. Fenomeni sapo ishte shfaqur veçanërisht me call centerat përmes Forex.

Ne lamë detyra, por nga 2018 e këtej jo vetëm që nuk janë përmbushur, por fenomeni është bërë aq i madh sa u kthye në një fenomen kriminal. Ajo që më shqetëson është se asnjë nga institucionet financiare nuk është marrë me këtë aktivitet përkundrazi u bëmë qendra e botës, për turp për shkak të raportimeve që erdhën nga agjenci ligjzbatuese të vendeve ku qytetarët ishin mashtruar përmes këtij procesi. Kemi goditur thjesht dhe vetëm për shkak të informacionit të tyre.

Nisur nga kjo do doja të pyesja cili ka qenë aktiviteti i AMF për të goditur këtë fenomen. Çfarë ka bërë autoriteti për të zbatuar detyrat që ka lënë Komisioni i Ekonomisë?

Nga agjenci të tjera, përfshi SHISH apo agjenci të tjera që merren me krimin ekonomik, keni pasur informacion apo jo për këtë fenomen dhe çfarë keni bërë?

I njëjti fenomen kriminal në përmasë tani është shfaqur edhe në tregun e aseteve virtuale.  Parlamenti kreu një përpjekje të mirë muaj më parë duke miratuar legjislacionin e domosdoshëm për të rregulluar veprimtarin në këtë fushë. Mbase jemi ndër të parët që e kemi pranuar me ligj, por problemi është aktiviteti kriminal  i palicensuar që po bën kërdinë veçanërisht në zonën Tiranë Durrës. Janë agjenci të tjera ligjzbatuese që janë marrë me fenomenin dhe goditjen e fenomenit. Tani që kemi një bazë ligjore, cilat kanë qenë veprimet e autoritetit për mbik q tregut dhe për identif bashkëp dhe goditjes së segmentit informal në këtë treg”, tha Braçe.

Pas