Intensifikohet bashkëpunimi ndërmjet SPAK, KQZ dhe Prokurorisë së Përgjithshme në funksion të hetimit të krimeve zgjedhore.
Kreu i SPAK, Altin Dumani, Prokurori Përgjithshëm, Olsian Çela dhe kreu i KQZ, Ilirjan Celibashi, ishin të ftuar nga ambasadori gjerman, ku kanë treguar gjetjet e deritanishme në terren.
Ambasada Gjermane në Tiranë është interesuar se si po zbatohen në terren strategjitë e bashkëpunimit për të hetuar krimet zgjedhore.
Raportohet se të pranishëm gjatë raportimit të Dumanit, Celibashit dhe Çelës kanë qenë edhe përfaqësues nga ambasada e SHBA, ambasadori i Britanisë së Madhe dhe ai i Francës të cilët i kanë drejtuar pyetje tre të ftuarve.
Disa javë më parë krerët e institucioneve treguan detaje lidhur me rastet e krimeve zgjedhore para ambasadës britanike në Tiranë.
