Zbardhen motivet e vrasjes së 20vjeçarit Ervis Zyba, në Kurbin, ndërkohë që dy autorët e dyshuar janë shpallur në kërkim.
Policia ka njoftuar permes nje deklarate per mediat se i riu u vra per shkak të një konflikti mes shokut të tij dhe dy personave të tjerë.
Policia, duke iu referuar hetimeve të kryera, bën me dije se shkak ka qënë një konflikt i mëparshëm mes Xhevahir Likës dhe Elgert Carës.
Viktima, Ervis Zyba ishte shok me Xhevahir Likën dhe të dy kanë shkuar në lokalin e natës “Qershia”.
Ata kanë dalë rreth orës 01.30 dhe kanë hipur në automjetin e tyre tip Benz me targë AA 898 MR.
Në atë moment tek mjeti i tyre janë afruar Elgert Cara dhe Dorjan Cara, të cilët janë konfliktuar me Xhevahir Likën.
Të dy palët kanë qenë të armatosur dhe kanë qëlluar ndaj njëritjetrit. Elgert Cara ka qëlluar me automatik, ndërsa Dorjan Cara me pistoletë.
Lika u është përgjigjur gjithashtu me pistoletë. Nga të shtënat mbeti i vrarë 20vjeçari Ervis Zyba nga fshati Gjorm i Kurbinit.
Në lidhje me ngjarjen janë arrestuar Xhevahir Lika, 21 vjeç për armëmbajtje pa leje, dhe pronari i lokalit Drilon Leka, 27 vjeç për moskallëzim krimi.
Në kërkim janë shpallur Elgert Cara 19 vjeç, dhe Dorjan Cara, 25 vjeç.
Mbi ta rëndon akuza e vrasjes me paramendim e kryer në
bashkëpunim dhe armëmbatje pa leje. Policia po punon për kapjen e tyre
