Fiqeret dhe Floresha Arapi, prindërit e Ermira Dushit (Arapi), nga fshati Ngurrëz i Lushnjës e cila u gjet e vrarë në makinë bashkë me Drinin Dervenin kanë folur për mediat.
Në një intervistë për gazetën “Panorama” ata thonë se nuk arrijnë ta besojnë dot se vajza e tyre ka pasur lidhje me personin tjetër. Sipas tyre, e bija e donte bashkëshortin dhe mohojnë që ajo të ketë pasur një lidhje tjetër.
Babai i Ermirës shprehet se po hidhet baltë mbi vajzën e tij pas kësaj ngjarjeje që i ka tronditur ata familjarisht.
Sipas tij, ceremonia e varrimit të Ermirës në fshatin Ngurrëz është bërë me mirëkuptimin e të dy familjeve.
“Është e vërtetë që dhëndri nuk erdhi në varrim, pasi ai është lënduar nga këto që ka dëgjuar. Por prindërit e tij kanë ardhur dhe ne kemi pasur komunikim me ta pas ngjarjes”, shprehet Fiqeret Arapi.
Ai thotë se nuk do ta prishë miqësinë me familjen Dushi. Për shkak se kanë dhe një mbesë. Vetë dhëndri i ka vënë në dijeni pas ngjarjes se do ta takojnë dhe ta marrin sa herë të duan vajzën e vogël. Sipas tij, Ermirës iu bënë të gjitha nderet që meritonte gjatë ceremonisë së varrimit.
Në foto: Fiqeret Arapi, babai i Ermirës së ndjerë
