Të tjera detaje janë mësuar rreth ngjarjes së rëndë që tronditi sot Tiranën. Xhafer Mata, 31 vjeç nga Kukësi por me banim në lagjen e “Don Boskos” në Tiranë qëlloi për vdekje një vajzë të re, 19 vjeçe me të cilën thuhet se kishte lidhje intime, dhe më pas vrau veten.
Ai jetonte në një shtëpi private, dy katëshe, bashkë me prindëerit dhe djalin e tij të mitur. “Xhafer Mata ishte divorcuar nga bashkëshortja pasi kishte njohur 19 vjeçaren Xhuljeta Cuni”, rrëfyen fqinjët e tij.
Xhuljeta gjithashtu banonte në “Don Bosko” dhe punonte si shitëse në supermarket. Ndërsa 31 vjecari edhe pse në facebook kishte publikuar një diplomë për inxhinieri mekanike, në të vertete punonte mekanik në një autoservis jo larg banesës së tij.
Sipas dëshmisë së fqinjëve, mëngjesin e sotëm Xhafer Mata e kishte lënë fëmijën e vogël vetëm 1 vjeç tek familja që jetonte me qira në vilën e tij dhe kishte dalë nga shtëpia pak para orës 08:00.
Disa minuta më pas ai i preu rrugën Xhuljeta Cunit, duke e lënë të vrarë në trotuar, e më pas ka shkrepur armën drejt vetes. Nuk dihet sakësisht nëse ata po konsumonin një lidhje dashurie sëbashku, apo thjesht Xhaferi ka qenë i fiksuar pas saj. Këto të dhëna pritet të mësohen nga policia e cila deri më tani është treguar e rezervuar në dhënien e informacione rreth krimit të rëndë.
Statusi në facebook i Xhafer Matës, një ditë para se të kryente krimin e rëndë:
