Enkeleda Çapoku mbeti e vrarë mbrëmjen e djeshme nga kunati i saj Erdet Çapoku i cili e përndiqte.
Burri i saj po vuan në burg dënimin me 10 vite heqje lirie për trafik droge nga Shqipëria në drejtim të Holandës.
Elton Çapoku u arrestua në vitin 2012 së bashku me Arben Allën dhe Adrian Çingu. Ky i fundit kishte tentuar të kalonte një kamionçinë me 186 kilogramë kanabis në pikën kufitare të Durrësit për në Itali dhe më pas në Holandë.
Pasi sasia u ndalua nga autoritetet portuale, hetimet zbuluan se Elton Çapoku ishte personi që i kishte shitur atij kamionçinën ndërsa Arben Alla e kishte ngarkuar dhe fshehur lëndën narkotike.
Gjykata vlerësoi se të tre këta persona në bashkëpunim kanë konsumuar veprën penale të ““Trafikimi i narkotikëve”
Ndërsa vuante dënimin, Elton Çapoku i kishte kërkuar vëllait që t’i kontrollonte të gjitha lëvizjet e gruas, pasi dyshonte se e tradhtonte, por porosia përfundoi në tragjedi. /Opinion.al
