Detaje të reja kanë dalë nga vrasja e 38-vjeçares shqiptare, Anila Ruçi, në Itali.
Sipas hetimeve nga autoritetet italiane, është arrestuar një 30-vjeçar i identifikuar si Osman Bilyhun, shqiptar që jetonte me viktimën.
Mediat vendase raportojnë se 30-vjeçari, që fillimisht u raportua si vëllai i Ruçit, ndodhet aktualisht në Poliklinikën San Matteo në Pavia, i shtruar që nga mbrëmja e së mërkurës, pasi plagosjes me thikë.
Osmani është njeriu që u gjet jashtë shtëpisë në via Piave në të njëjtën ditë të vrasjes. Bilyhu është paraqitur nga viktima si vëllai i tij, por në realitet duket se mes tyre nuk ka pasur lidhje familjare.
Dyshimet e ngritura për të si vrasës, janë ngritur pas marrjes në pyetje të ndodhur gjatë natës në spital.
Mediat shkruajnë se në harkun kohor të një viti mes Osmanit dhe Anilës kishte vazhdimisht grindje dhe zënka të cilat ndonjëhërë degradonin në dhunë fizike.
Trupi i saj u gjet në një divan në katin përdhes. Shtëpia e cila ndodhej në via Piave ishte marrë me qera prej një viti nga Anila dhe në verën e vitit të kaluar Osman Bilyhu ishte bashkuar me të për të jetuar së bashku. Më parë ajo kishte jetuar me të afërmit në Sannazzaro dhe punonte si kujdestare dhe pastruese.
