TIRANE- Ilda Dervishi, gruaja 28 vjeçare që u vra nga bashkëshorti mëngjesin e sotëm ka lënë dy fëmijë të mitur jetimë, përkatësisht djali 4 vjeç dhe vajza 8 muajsh. Në foto shihen fëmijë e çiftit duke u marrë nga të afërmit pak orë pas krimit të rëndë.
Ende nuk dihen rrethanat e sakta të ngjarjes. Ajo ç’ka dihet sipas njoftimit zyrtar të policisë, është se Admir Dervishi, 29 vjeç, punonjës i Gardës ka vrarë me armën e punës gruan e tij për motive xhelozie. Ngjarja ka ndodhur në mëngjes rreth orës 07:00, teksa fëmijët ende po flinin. Autori është arrestuar. Ata banonin tek rruga e Qelqit në Kombinat.
