Presidenti Ilir Meta ka reaguar edhe një herë lidhur me skandalin e inceneratorëve.
Përmes një postimi në rrjetin social “Facebook”, Meta denoncon faktin se krimi dhe kapja e shtetit ka kapërcyer çdo imagjinatë.
Ai shprehet se ndërsa për të marrë pensionin pensionistëve u kërkohet që të paraqiten fizikisht për të provuar se janë gjallë, miliona euro të taksapaguesve tanë grabiten nga mafia e inceneratorëve me firma të falsifikuara të qytetarëve, që janë ndarë nga kjo botë prej 5 vitesh.
Ndër të tjera Meta shkruan se vetëm lufta kundër kapjes së shtetit, mund të parandalojë falimentimin e Shqipërisë.
“Krimi dhe kapja e shtetit ka kapërcyer çdo imagjinatë. Ndërsa për të marrë pensionin u kërkohet pensionistëve që të paraqiten fizikisht për të provuar se janë gjallë, miliona euro të taksapaguesve tanë grabiten nga mafia e inceneratorëve me firma të falsifikuara të qytetarëve, që janë ndarë nga kjo botë prej 5 vitesh. Vetëm lufta e hapur kundër kapjes së shtetit dhe korrupsionit parandalon falimentimin e Shqipërisë. Koha nuk pret më!”,-shkruan Meta në reagimin e tij./Opinion.al
