Prokurori i Përgjithshëm, Olsian Çela ka dhënë një deklaratë për mediat pasi raportoi në Këshillin e Lartë të Prokurorisë, për veprimtarinë e punës së institucionit që ai drejton përgjatë vitit 2022.
Çela është shprehur se një sërë masash janë kërkuar të merren nga prokurorë që kanë të bëjën me organizimin e Prokurorisë në perudhën zgjedhore.
Më tej ai theksoi se numri i prokurorive do të rritet në datën 1 Maj në kuadër të hartës së re gjyqësore ç’ka do të sjellë një kontroll më të shtuar për krimet zgjedhore.
Çela foli edhe për një stukturë të posaçme në Prokurorinë e Përgjithshme, ku punojnë 3 persona që merren me përpunimin e të dhënave për krimet zgjedhore.
“Janë një sërë masash që janë kërkuar të merren nga prokurorë që kanë të bëjnë me organizimin e prokurorisë në fazën zgjedhore, një numër më të lartë prokurorish. Po ashtu, një çështje kryesore është për fokusin për çështjen zgjedhore, elementë që janë të rëndësishëm për të pasur një performancë me të duhur për procesin zgjedhor.
Masat janë të njëjtat, por në datën 1 Maj do të kemi 13 prokurori që do të angazhohen sepse më 1 Maj do të fillojë funksionin harta më e re gjyqësore. Një numër më i madh që do të ketë material referues që ka të bëjë me krimet zgjedhore. Ne kemi ngritur një stukturë të posacme në Prokurorinë e Përgjithshme, janë 3 persona që merren me përpunimin e të dhënave për krimet zgjedhore dhe do të jua bëjmë të ditur sapo të kemi të dhënat përkatëse”-tha Çela.
