Byroja Kombëtare e Hetimit dhe Policia e Shkodrës po zhvillon disa kontrolle dhe veprime hetimore në disa zona të Qarkut Shkodër.
Më konkretisht në Malësi të Madhe, Bardullush, Bushat dhe Mjedë.
Prokurori i Posaçëm, Dritan Prençi, i cili është caktuar nga SPAK për hetimin e krimeve zgjedhore në Shkodër ka firmosur urdhrin që i lejon agjentët të kryejnë kontrollet.
Sipas Klan News mësohet se kontrollet kanë nisur në bazë të disa indicieve dhe informacioneve që ka pasur Policia e Shkodrës, e cila më pas ia ka referuar Strukturës së Posaçme Antikorrupsion.
Agjentët e BKH-së po mbështeten në terren nga oficerë dhe patrulla të Policisë së Shkodrës.
