Spartak Çoçoli, prokuror në Prokurorinë e Gjirokastrës është ndaluar nga uniformat blu mbrëmjen e sotme me urdhër të Prokurorisë së Krimeve të Rënda.
Dyshohet se prokurori Çoçoli është përfshirë në një rast korrupsioni dhe ka marrë ryshfet për një çështje gjyqësore.
Ai ka qenë nën përgjim nga prokurorët e krimeve të rënda për një periudhë të gjatë kohore.
Hetuesit kanë krijuar dyshime të arsyeshme për përfshirjen e tij në korrupsion dhe kanë urdhëruar ndalimin e prokurorit Çoçoli, i cili është shoqëruar në Komisariatin e Policisë së Gjirokastrës.
