Prokuroria për Krimet e Rënda ka lëshuar të mërkurën urdhër-arreste për disa ish-drejtues të lartë të Policisë së Shtetit.
Mësohet se mbi këta ish-drejtues komisariatesh, identiteti i disa prej tyre ende nuk është publikuar, rëndon akuza e përfshirjes në trafikun e lëndëve narkotike.
Mes emrave që pritet të arrestohen është edhe ish-drejtori i Policisë së Vlorës, Jaeld Çela. Këto urdhër-arreste kanë mbërritur në polici dhe pritet ekzekutimi i tyre.
Urdhër-arrestet bazohen në hetimet që ka kryer Prokuroria e Krimeve të Rënda në lidhje me dosjen Habilaj, ku rezulton i përfshirë edhe ish-ministri i Brendshëm, Saimir Tahiri.
