Marjo Zeqirit i është komunikuar sot nga Gjykata e Krimeve të Rënda masa ‘arrest me burg’.
Zeqiri është arrestuar në kuadër të operacionit ‘Vol-vo 4’ të zhvilluar në tetor të vitit të kaluar. Po në këtë periudhë gjyqtari Bibë Ndreca i kishte caktuar atij masën e sigurisë ‘arrest me burg në mungesë’.
Edinjo, sic njihet ndryshe Marjo Zeqiri, akuzohet për trafik droge dhe pjesëmarrje në grup të strukturuar kriminal.
Në dosjen hetimore të Krimeve të Rënda ku bën pjesë Zeqiri janë përfshirë në total 44 persona.
Kujtojmë se në përgjimet e këtij grupi dolën si të përfshirë dhe ish-drejtori i burgjeve Arben Çuko për korrupsion dhe Arben Ndoka për abuzim me pronat në bregdetin e Lezhës. / Opinion.al
