Një nga personat e dyshuar si pjesëmarrës në vrasjen e ish-policit Santiago Malko është lënë në burg nga Gjykata e Krimeve të Rënda.
Blendi Tetës i është dhënë masa e sigurisë “arrest me burg”. Masa ndaj tij u rivlerësua tek Krimet e Rënda, pasi dosja kaloi për kompetencë në këtë prokurori. Teta akuzohet për “moskallëzim krimi”.
Deri tani Teta është i vetmi person i arrestuar për vrasjen e Santiago Malkos i cili u ekzekutua në Tiranë mbrëmjen e 27 gushtit, nga persona që qëlluan në drejtim të mjetit të tij në lëvizje.
Në lidhje me këtë ngjarje Gjykata e Krimeve të Rënda ka vendosur masën e arrestit me burg për 8 personat e shpallur në kërkim, konkretisht për dy vëllezërit Leonard dhe Elis Duka, për Xhoni Nica, Oltian Loka, Ilir Selmani, Aleksandër Maxhaku dhe Dritan Agaj, të gjithë banues në Tiranë, si dhe për Fatmir Hyseni, nga Vlora, i njohur ndryshe me nofkën “Doqja”. /Opinion.al
