Dosja e kokainës do ti kalojë për zhvillimin e mëtejshëm të hetimeve, Prokurorisë së rrethit të Durrësit.
Prokuroria e Krimeve të Rënda shpalli sot moskompetencën e hetimit, pasi sipas saj, dosja është regjistruar si trafik narkotikësh, dhe jo grup i strukturuar kriminal.
Pra, kapja e plot 613 kg kokaine në magazinat e Arbri Garden në Maminas nuk konsiderohet si krim i rëndë apo trafik ndërkombëtar i kryer nga një grup i strukturuar kriminal.
Për sasinë më të madhe të kokaines të kapur ndonjehere në vend, prej 1 muaji mbahen në burg shoferi dhe menaxheri i kompanisë, si të vetmit të arrestuar. Në kërkim është pronari i kompanisë Arbër Çekaj, i cili u largua nga Shqipëria para se të kapej droga.
Ajo çka dihet është se droga e fortë erdhi nga Kolumbia në kontenieret e bananeve dhe u sekuestrua në fund të shkurt në Maminas të Durrësit. Destinacioni dhe porositësit?! Ende mister…
/Opinion.al
