Pas mohimit të krimeve të luftës nga Serbia, parlamenti i Kosovës u ka kërkuar vendeve aleate që të hartojnë rezoluta në mënyrë që të njohin genocidin e shtetit serb ndaj popullsisë shqiptare.
Kryetari i Parlamentit të Kosovës Kadri Veseli do të kërkojë nga vendet mike të dënojnë çdo përpjekje për ta mohuar apo ndryshuar krimet e Serbisë ndaj popullit të Kosovës.
Lidhur me mohimin e Serbisë, ka reaguar dhe kryeministri i Kosovës duke thënë se do të mbrohet e drejta e kosovarëve
“Për këtë është e rëndësishme të jemi unikë sepse kjo është një temë që buron nga e drejta e viktimave, e drejta humane. Duhet të mbrohet e drejta e asaj që ka ndodhur pasi janë krime makabre”.
Ndërsa ministri i Drejtësisë në kosovë, është shprehur se gjatë këtyre viteve drejtësia nuk ka dhënë rezultate pozitive për popullin kosovar.
“Përgjatë këtyre viteve ne nuk e kemi parë drejtësinë të shkojë në vend për krimet që janë bërë ndaj popullsisë shqiptare në vitet 98-99”.
Më herët krerët e shtetit serb dhe ish-ministri serb në qeverinë e Kosovës kanë mohuar masakrat në Kosovë. / Opinion.al E.Xh.
