Aktualitet

Krime mjedisore, në hetim kryeinspektori dhe tre zyrtarë në Patos


Bëhu pjesë e Grupit Zyrtar të Opinion.al
>> KËTU <<
               Publikuar në : 10:23 - 13/11/21 |
Opi Nion

Katër zyrtarë në Patos janë proceduar për krim mjedisor në kodrat e fshatit Zharrëz.  Pas arrestimit ditën e djeshme të një 34-vjeçari që po gërmonte tokën, policia ka proceduar penalisht edhe kryeinspektorin dhe inspektorët pranë Inspektoratit Vendor të Mbrojtjes së Territorit në Bashkinë Patos.

Autoritetet bëjnë me dije se bëhet fjalë për: A. G., 31 vjeç, banues në Patos, me detyrë Kryeinspektor pranë Inspektoratit Vendor të Mbrojtjes së Territorit në Bashkinë Patos. Xh. C., 27 vjeç, banues në Patos, me detyrë Inspektor pranë Inspektoratit Vendor të Mbrojtjes së Territorit në Bashkinë Patos. D. L., 63 vjeç, banues në Patos, me detyrë Inspektor Kontrolli i Territorit në IVMT në Bashkinë Patos. L. P., 58 vjeçe, banuese në Patos, me detyrë Specialiste për Administrimin dhe Mbrojtjen e Tokës në Njesinë Administrative Zharrëz.

Katër zyrtarët akuzohen se nuk kanë kryer detyrën funksionale mbi parandalimin dhe marrjen e masave të veprimtarisë së paligjshme. Materialet i kaluan Prokurorisë për veprime të mëtejshme./Opinion.al

 

 

Pas