Policia spanjolle ka zbërthyer një celulë të një organizate kriminale, me origjinë shqiptare, dedikuar kryerjes së krimeve kundër pronës, së cilës i atribuohen 18 grabitje me forcë të kryera në banesa në kryeqytetin Malaga dhe që zbardhin ngjarjet e fundit kriminale në Puertosol, Cerrado de Calderón, La Mosca, Miraflores de El Palo dhe El Candado.
Arrestimet u kryen në një pronë të vendosur në një zonë të izoluar të qytetit të Comares në Malaga, ndërsa gjatë operacionit morën pjesë forca të mëdha policie.
Gjatë procedurës së hyrjes dhe kontrollit në shtëpinë e të dyshuarve, hetuesit sekuestruan një pistoletë – e cila rezultoi e simuluar, 10.000 euro para në dorë; mjete për të kryer sulme; një çantë reagentësh për të kontrolluar nëse material është prej ari; bizhuteri; një koleksion monedhash dhe pullash; veshje të përfshira në vepra penale; dy automjete; dokumentacion; dhe qese me marihuanë.
Për bizhuteritë e gjetura, disa prej tyre tashmë janë njohur nga pronarët e ligjshëm, ndërsa për të tjerat vijojnë hetimet për origjinën e tyre. Hetimi mbetet i hapur, ndërsa agjentët nuk përjashtojnë mundësinë që të arrestuarit të jenë të përfshirë edhe në ngjarje të tjera të së njëjtës natyre./Opinion.al
