Një krim i rëndë në familje ka ndodhur në Bathore, bashkia Kamëz, mesditën e sotme. Djali ka vrarë babanë e tij, punonjës policie si dhe ka plagosur nënën. Policia tha se krimi ka ndodhur në banesë në orën 11:20. Mirald Metallari, 21 vjeç ka marrë pistoletën e babait dhe ka qëlluar ndaj tij duke e lënë të vdekur. Plumbat kanë kapur edhe nënën e cila mbeti e plagosur. Ende nuk dihen rrethanat që çuan të riun drejt aktit të rëndë të shkrehjes së armës ndaj prindërve.
Policia e Tiranës: Më datë 24.07.2017, rreth orës 11:20, në numrin e Emergjencave 112, ka ardhur një telefonatë për të shtëna me armë zjarri në Bathore.
Në vendngjarje kanë mbërritur shërbimet e policisë dhe ambulanca.
Nga verifikimet paraprake ka rezultuar dyshohet se shtetasi Mirald Metallari, 21 vjeç, ka marrë armën e shërbimit të të atit, ka qëlluar mbi të dy prindërit, ku si pasojë ka mbetur i vrarë i ati, shtetasi M. M., 62 vjeç, punonjës policie dhe ka plagosur të ëmën, shtetasen N. M., 47 vjeçe cila ndodhet në spital nën kujdesin e mjekëve.
Shtetasi M.M., u kap nga shërbimet e policë gjatë kohës kur po transportonte të ëmën në spital dhe shoqërua në ambientet e policisë për veprime të mëtejshme.
Janë sekuestruar në cilësinë e provës materiale disa gëzhoja dhe një pistoletë e llojit TT Model 56.
Grupi hetimor po vazhdon punën për zbardhjen e shkakut dhe rrethanave të ngjarjes.
