Një ngjarje tejet e rëndë ka ndodhur mesditën e sotme në qytetin verilindor të Peshkopisë. Djali ka shtier me automatik duke lënë të vdekur dy prindërit e tij.
Ngjarja ka ndodhur në zonën e Llixhave, ku ka banesën familja Sela. Po kështu kanë edhe një hotel për për pacientë që frekuentojnë llixhat.
Nga të dhënat e para mësohet se autori është Qemal Sela, 26 vjeç, ndërsa viktimat Flamur dhe Zeqime Sela.
Burimet thanë se djali kishte vite që punonte në Angli dhe pak ditë më parë ishte kthyer tek familja e tij.
Informacion paraprak i policisë së qarkut Dibër:
Në lagjen “Llixha”, Qyteti Peshkopi, ka ndodhur nje vrasje në familje.
Shtetasi Qemal Sela, rreth 26 vjeç, ka vrarë me armë zjarri automatik babain dhe nënën e tij , shtetasit : Flamur Sela, 55 vjeç, dhe Zeqimete Sela, 50 vjeçe, banues në Peshkopi.
Policia në kohë rekord ka arritur të kapë autorin e vrasjes.
Grupi hetimor vijon hetimet në vendin e ngjarjes.
Po hetohet për zbardhjen e shkaqeve të kësaj ngjarje.
