Fondacioni “Firebird Biomolekular” ka publikuar një punë të gjatë shkencore e kërkimore nga një grup studiuesish ndërkombëtarë në revistën shkencore “Science”, e cila si rezultat ka sjellë krijimin e super ADN-së. Super ADN-ja nuk ekziston në natyrë, dhe ka një alfabet molekular prej 8 gërmash, në ndryshim nga ADN-ja natyrale e cila ka vetëm katër të tilla.
Super ADN-ja është pagëzuar me emrin Hachimoji ADN, që në gjuhën japoneze do të thotë 8 shkronja. Hachimoji ADN, i krijuar në laborator do të ndihmojë në zbulimin e egzistencës së jetës aliene por dhe në krijimin e medikamenteve të reja dhe në depozitim të më shumë informacioneve gjenetike.
Super ADN-ja ka akoma nevojë për përpunim artificial pasi nuk është i vetëmjaftueshëm, ai nuk mund të dalë jashtë kushteve laboratorike, pasi do të shkatërrohej menjëherë.
Kjo lloj ADN-je unike me 8 shkronja është krijuar edhe më herët në laborator, por puna shkencore nuk ka rezultuar asnjëherë e suksesshme, deri më tani. Kësaj here shkencëtarët pohojnë se rezultati është plotësisht funksional, ashtu sikurse kodi gjenetik natyral. Kjo është një arritje e jashtëzakonshme shkencore, e cila do t’i hapë rrugë zgjidhjes së një sërë problemesh të tjera të formacionit gjenetik njerëzor e jo vetëm./E.M
