Ka nisur punën Njësia Policore Detare. Në një ceremoni të zhvilluar në qytetin e Vlorës, Rama tha se pati premtuar që kjo njësi e sapo ngritur do të mbante emrin “Jonada”, në nder të vogëlushes që ndërroi jetë tragjikisht pasi u përplas nga një motor uji, por shtoi se një gjë e tillë nuk do të bëhet me dakordësinë e familjes.
Teksa risolli në vëmendje ngjarjen tragjike, Rama tha se kujtimi i ngjarjes tragjike të shërbejë si motiv për të punuar.
“Akti kriminal i atij individi që i uli kokën shtetit, që na bëri të gjithëve që të skuqemi si asnjë herë tjetër duhet t’ju shërbej të gjithëve si një kambanë që duhet t’i bjerë alarmit sa herë që dilni nga shtëpia për të mos bërë asgjë nga ato që turpërojnë gjithë bashkësinë e uniformave blu dhe shtetit. Unë e pata premtuar që kjo njësi do mbante emrin e vogëlushes dhe në mirëkuptim të plotë, ramë dakord që kjo gjë të mos bëhet, por nga ana tjetër ai kujtim duhet të jetë motivi i punës, i mundit dhe i suksesit, që ajo humbje e tmerrshme të shërbejë që familjet fëmijët të ndihen të qeta dhe të pushojnë”, tha Rama.
