Këshilli i Lartë i Prokurorisë në mbledhjen e sotme ka skualifikuar nga gara tre kandidatë për prokurorë në SPAK. Ata janë Gëzim Cenaj, Fatmir Hoxha dhe Irena Nino ndërsa arsyeja e skualifikimit është se janë jashtë sistemit të drejtësisë.
Gjithashtu, KLP ka votuar unanimisht 25 kandidatët që plotësojnë kushtet për vazhdimin e garës për SPAK, strukturës së veçantë që do të hetojnë krimin e organizuar dhe korrupsionin e zyrtarëve të lartë.
Fillimisht kandidatët duhet të kalojnë procesin e Vetting-ut. Më shumë se gjysma e kandidatëve janë Prokurorë të Prokurorisë së Krimeve të Rënda./Opinion.al
