3.3 miliardë lekë është totali i mbështetjes së qeverisë për këtë vit për fermerët. Lajmi është bërë i ditur nga ministrja e Bujqësisë dhe zhvillimit rural Frida Krifca, në një dalje për mediat pas mbledhjes së Këshillit të Ministrave.
Krifca theksoi se konkretisht do të mbështeten sektorët prijoritar dhe blegtoria.
“ Thirrje për fermerët ti bashkohen skemës kombëtare të mbështetjes, çfarë është dhe vendimi i Këshillit të Ministrave që ne sot kemi marrë. Ka të bëjë me dokumentin të rëndësishëm të ministrisë së Bujqësisë për sektorin e bujqësisë për sa i takon mbështetjes posaçërisht ndaj sektorëve prijoritar të skemës kombëtare të mbështetjes në bujqësi për vitin 2023.
Konkretisht do të mbështeten sektorët prijoritar dhe blegtoria është një ndër to, ndoshta më i rëndësishmi gjatë këtij viti , që do të marri dhe mbështetjen më të rëndësishme financiare.
Do të mbështeten fermat blegtoralë, minimumi 10 krerë, dhe 100 krerë të imta e sipër. I gjithë totali i mbështetjes është 3.3 miliardë lekë. Më 1.4 miliardë lekë do të mbështeten të gjitha sistemet e prodhimit që kanë të bëjnë me përpunimet e mekanizuara me naftë. Do të mbështesim krijimin e fermave organike dhe atyre në proces, për Global Gap. Do të mbështesim bletarinë, anijet e peshkimit për gjenerimin dhe rinovimin e flotës, për t’i zëvendësuar ata me motorë të rinj, sepse është një sektor i rëndësishëm qoftë për punësimin dhe për eksportet tona. Sistemet e prodhimit në sera për perimet, për uljen e kostove të prodhimit gjithashtu për imputet bujqësore, me një vlerë prej 400 mijë lekë në vit, për dy prodhime gjatë vitit. Ndërkohë që do të vazhdojë me mbështetjen e tregjeve të reja në bashkëpunim me bashkitë, sidomos me ato që nuk kanë hapësirën e duhur për fermerët e vegjël që të kenë aksese për shitjen e produkteve të tyre.
Do të vijojmë politikën tonë me skemën kombëtare të trajnimit në bashkëpunim me Universitetin Bujqësor të Tiranës për rinovimin dhe ofrimin e dijeve tek fermerët dhe fermave model ,” ka thënë Krifca./Opinion.al
