Agjencia ukrainase antikorrupsion akuzoi kreun e shërbimeve tatimore të vendit, Roman Nassirov, për përvetësim gati 70 milionë euro nga arka e shtetit.
Bëhet fjalë për zyrtarin e parë të një rangu të lartë, të akuzuar për përvetësim fondesh nga Zyra Kombëtare Antikorrupsion e Ukrainës (NABU), institucion i krijuar për të luftuar kundër kësaj këtij fenomeni negativ që po arrin deri në majat më të larta të shtetit.
Zyrtari i lartë është i dyshuar se ka ndihmuar deputetin Oleksandr Onishçenko, që u arratis nga Ukraina verën e kaluar, pasi ka përvetësuar gati 70 milionë euro taksa, që i detyroheshin shtetit në kuadër të kontratave të nxjerrjes së gazit, sipas burimeve të cituara nga agjencia e lajmeve “Interfax-Ukrainë”.
Nassirov megjithatë nuk është ende zyrtarisht nën akuzë, pasi ligji autorizoi zyrën për të vijuar hetimin ndaj tij për një periudhë dy mujore përpara se t’i kalojë si çështje gjykatës.
