Kreu i SPAK, Altin Dumani, ka deklaruar se familja e një prokurori është kërcënuar nga anëtarë të krimit të organizuar.
Ai ka folur për këtë çështje teksa merrte pjesë në një takim të nismës për dialog mes institucioneve dhe aktorëve të politikëbërjes, “IDM Morning Briefing”, e organizuar nga Instituti për Demokraci dhe Ndërmjetësim.
Dumani tha ndër të tjera se e shqetëson kërcënimi nga krimi i organizuar , jo kërcënimi nga politika.
“Krimi i organizuar ka kërcënuar familjen e një prokurori. Më shqetëson kërcënimi nga krimi i organizuar , jo kërcënimi nga politika. Ne kemi bërë llogari edhe që mos kthehemi, sepse kjo është detyra jonë të hetojmë.
Prokurorët janë imunë, janë të gjithë të përgatitur që t’i përballojnë këto situata, por në fund të fundit e kemi zgjedhur vetë këtë detyre”, tha Dumani./Opinion.al
