Kreu i SPAK Arben Kraja ka deklaruar se kreu i Partisë së Lirisë, Ilir Meta është në hetim për dosjet që janë dorëzuar për financimet dhe lobimin në partinë që ai drejton.
Në një intervistë në Euroneës Albania, ai është shprehur se hetimet po vazhdojnë dhe se kush do të dalë përgjegjës është hisori e hetimit.
“Po janë çështje nën hetim, vazhdojnë hetimet edhe për ato. Janë disa çështje që lidhen me financimet e partisë dhe lobimin, nuk mund të them më tepër janë nën hetim. Ne po hetojmë faktet, se kush do të dalë përgjegjës është histori e hetimit”, u shpreh Kraja.
Pjesë nga Intervista
Pyetja: Disa dosje të tjera që janë dorëzuar në SPAK kanë të bëjnë me kreun e Partisë së Lirisë, Ilir Meta. Edhe keto janë çështje në hetim. A do merret në pyetje Meta për to?
Kraja: Po janë çështje nën hetim, vazhdojnë hetimet edhe për ato. Duan kohën e vet.
Pyetja: Edhe pjestarë të tjerë të Partisë së Lirisë, partia me emrin e ri?
Kraja: Janë disa çështje që lidhen me financimet e partisë dhe lobimin, nuk mund të them më tepër janë nën hetim.
Pyetja: Po ju mund të thoni se nuk është vetëm Meta?
Kraja: Ne po hetojmë faktet. Se kush do të dalë përgjegjës është histori e hetimit.
