Ditën e nesër do të mbahen zgjedhjet lokale të cilat do të zhvillohen pa opozitën.
Bojkoti i opozitës dhe shtyrja e datës së zgjedhjeve nga presidenti Ilir Meta, ka bërë që shumë mbështetës së opozitës të përplasen me policinë teksa kërkojnë të marrin materialet zgjedhore apo të pengojnë shpërndarjen e tyre.
Qeveria i ka dënuar këto incidente, duke u shprehur se materialet zgjedhore do të shpërndahen dhe do të ruhen ashtu siç parashikohet në ligj.
Por, në fshatin Rusan të Bashkisë së Delvinës, për të bërë shpërndarjen janë angazhuar edhe vetë socialistët.
Landi Shkrepa, kryetari i Partisë Socialiste në këtë fshat, i ka transportuar vetë materialet zgjedhore, me një makinë private dhe jo sipas masave të përcaktuara nga ligji./ Opinion.al E.Xh.
