Komisioni i Pavarur i Kualifikimit, KPK ka konfirmuar në detyrë drejtuesin e Prokurorisë së Krujës, Petrit Çano.
Trupa gjykuese e përbërë nga Olsi Komici, Suela Zhegu dhe Lulzim Hamitaj, analizoi të tri kriteret, pastërtinë e figurës, pasurinë dhe lidhjet e mundshme kriminale, e më pas konfirmoi në detyrë Çanon.
Çano është vlerësuar pozitivisht për pastërtinë e figurës, pasi Drejtoria e Sigurimit të Informacioneve të Klasifikuara nuk ka gjetur kontakte të drejtuesit të Prokurorisë së Krujës me persona me lidhje me krimin e organizuar, duke rekomanduar përshtatshmërinë e tij për vazhdimin e detyrës.
Për profesionalizimin, Çano është vlerësuar shumë mirë nga Prokuroria e Përgjithshme.
Në seancat e para të vettingut Çano u përball me dyshimet për pamjaftueshmëri financiare për dy vite si dhe me denoncimin e një qytetari, i cili pretendonte se vajza e tij i kishte dëmtuar automjetin, një fakt ky i pavërtetuar nga hetimi i Prokurorisë. /Opinion.al
