Shefi i Organizatës Botërore të Shëndetësisë, Tedros Adhanom Ghebreyesu, është shprehur optimist se pandemia covid-19 do të mposhtet në vitin 2022.
Sipas tij që të arrihet kjo gjë kushti i vetëm është që vendet të punojnë së bashku për të frenuar përhapjen e koronavirusit.
Dr. Tedros Adhanom Ghebreyesu në një deklaratë për Vitin e ri paralajmëroi për marrje të masave kundër “nacionalizmit dhe grumbullimit të vaksinave vetëm në disa vende.
Sipas tij pabarazia e vazhdueshme në shpërndarjen e vaksinave rrit rrezikun e evoluimit të virusit.
Pavarësisht gjithë kësaj, Dr Tedros dha një notë pozitive në fjalimin e tij, duke vënë në dukje se tani ka shumë më tepër mjete për të trajtuar Covid-19.
OBSH ka vendosur një objektiv të ri për vitin 2022: vaksinimin e 70% të njerëzve në të gjitha vendet deri në korrik për t’i dhënë fund pandemisë.
Deklarata e Tedros Adhanom Ghebreyesu vjen 2 vjet pasi OBSH u njoftua për herë të parë për rastet e Cocid-19 në Kinë./Opinion.al
