Drejtori i Përgjithshëm i Organizatës Botërore të Shëndetit ka thënë se kemi ende një “rrugë të gjatë për të zgjidhur” krizën e koronavirusit në të gjithë botën.
Duke folur në konferencën për shtyp të OBSH-së, Tedros Adhanom Ghebreyesus tha se teksa në shumicën e vendeve në Evropën perëndimore duket se epidemia është stabilizuar ose në rënie, shpërthimet po rriten në Afrikë, Amerikën qendrore dhe jugore dhe Evropën Lindore.
Ai paralajmëroi të mos biem pre e vetëkënaqësisë, duke insistuar se masat e bllokimit pa dyshim ndihmuan në frenimin e përhapjes së virusit.
“Shumica e vendeve janë akoma në fazat e hershme të epidemive të tyre dhe disa që janë prekur në fillim të pandemisë, tani kanë filluar të shohin një ringjallje të rasteve.
Mos bëni gabime, kemi një rrugë të gjatë për të bërë. Ky virus do të jetë me ne për një kohë të gjatë. Nuk ka dyshim se urdhrat e qëndrimit në shtëpi dhe masat e tjera fizike të distancimit kanë frenuar me sukses transmetimin në shumë vende. Por ky virus mbetet jashtëzakonisht i rrezikshëm”, tha kreu i OBSH. /Opinion.al
