Drejtori i FBI-së, Christopher Wray, tha se aktet e spiunazhit dhe vjedhjes nga qeveria e Kinës paraqesin “kërcënimin më të madh afatgjatë” për të ardhmen e Shteteve të Bashkuara.
Duke folur para Institutit Hudson në Uashington, ai tha se Kina bën fushatë shumëpalëshe të përçarjes dhe ka nisur të shënjestrojë shtetasit kinezë që jetojnë jashtë vendit, duke i detyruar të kthehen. Wray po ashtu shtoi se Kina po punon për të hedhur poshtë studimet amerikane të koronavirusit.
“Bëhet fjalë për rivalë politikë, disidentë dhe kritikë që përpiqen t’i ekspozojnë shkeljet e gjera të të drejtave të njeriut në Kinë. Rreziqet nuk mund të jenë më të larta.”, tha Wray.
“Kina është e angazhuar në një përpjekje për t’u bërë superfuqia e vetme në botë me çdo mjet të nevojshëm”, shtoi ai.
Kjo deklaratë vjen në kohën e tensioneve të larta midis SHBA-së dhe Kinës pasi presidenti amerikan, Donald Trump, ka fajësuar vazhdimisht Kinën për shpërthimin e pandemisë së koronavirusit.
Nga ana tjetër, sekretari amerikan i Shtetit, Mike Pompeo, tha këtë javë se administrata po shikonte ndalimin e aplikacioneve kineze, përfshirë TikTok-un që është mjaft popullor.
Aplikacionet “shërbejnë si mjete shtesë të mbikëqyrjes për Partinë Komuniste të Kinës”, tha Pompeo./Opinion.al
