Ministri italian i Punëve të Jashtme, Angelino Alfano, ka nisur një vizitë zyrtare në Tiranë.
Agjenda e kreut të diplomacisë italiane ka nisur me takimin në Ministrinë e Jashtme, ku u prit nga homologu Ditmir Bushati. Në hyrje të takimit, homologët panë nga afër ekspozitën me materiale arkivore për historikun e marrëdhënieve dypalëshe italo-shqiptare.
Italia është mbështetësja kryesore për integrimin e Shqipërisë në BE.
Gjatë qëndrimit në Tiranë, ministri Alfano do të pritet në takime të veçanta nga autoritete të larta të vendit si Presidenti Bujar Nishani dhe kryeministri Edi Rama.
Vizita e fundit në Shqipëri e ministrit Alfano është regjistruar një vit më parë, në shkurt të vitit 2016, si Minister i Brendshëm.
