Presidenti iranian, Hassan Rouhani, tha se vendi i tij është gati të negociojë me Shtetet e Bashkuara, nëse Uashingtoni i jep fund sanksioneve ekonomike, ndërkohë krerët evropianë bën një tjetër thirrje për bisedime, në mënyrë që t’u jepet fund tensioneve në rritje midis Teheranit dhe Uashingtonit.
Franca dhe Gjermania, të cilët kanë mbetur pjesë e marrëveshjes bërthamore u bënë thirrje “të gjitha palëve të përfshira, të ndalojnë përshkallëzimin dhe të marrin në konsideratë pasojat e mundshme të veprimeve të tyre”.
“Ne besojmë se ka ardhur koha për të vepruar me përgjegjësi dhe për të kërkuar një rrugë për të ndaluar përshkallëzimin e tensioneve dhe për të rifilluar dialogun”, thuhej në deklaratën e përbashkët.
Kujtojmë se vitin e kaluar, Shtetet e Bashkuara, u tërhoqën nga një marrëveshje bërthamore me Iranin dhe vendosën sanksione ekonomike pasi administrata Trump tha se marrëveshja do t’i mundësojë Teheranit që të prodhojë një armë bërthamore për disa vjet.
Sanksionet kanë shkatërruar ekonominë iraniane, ndërsa në përgjigje Teherani ka ndërmarrë hapa, për të pasuruar uraniumin përtej kufijve të imponuar nga kjo marrëveshje, duke shkaktuar më shumë kërcënime ndaj sanksioneve nga Shtetet e Bashkuara./Opinion.al
