Dmitry Peskov tha se Rusia mund të rifillojë furnizimin me gaz për Poloninë dhe Bullgarinë nëse këto vende paguajnë në rubla sipas kontratave të gazit.
“Pagesa në formën e duhur do të jetë baza për rifillimin e dërgesave”,-tha ai.
I pyetur nëse presidenti rus Vladimir Putin planifikon të ketë kontakte me kolegë nga këto vende për të diskutuar situatën me furnizimin me gaz, Peskov u përgjigj: “Nuk ka plane”.
Më 27 prill, Gazprom njoftoi se kishte pezulluar plotësisht furnizimin me gaz për kompaninë bullgare Bulgargaz dhe polake PGNiG për shkak të mospagesës në rubla në kohë.
Më 23 mars, Putin udhëzoi qeverinë të transferonte në rubla pagesat për eksportin e gazit rus në vendet jomiqësore. Ai deklaroi se Rusia do të refuzonte të pranonte pagesa sipas kontratave të tilla në monedha “të komprometuara”, duke përfshirë dollarë dhe euro./Opinion.al
