Bota

Kremlini: Gorbachev ishte lider historik, por romantik me Perëndimin



Bëhu pjesë e Grupit Zyrtar të Opinion.al
>> KËTU <<
               Publikuar në : 16:29 - 31/08/22 |
Opi Nion

Mbarë bota përkujton Mikhail Gorbachev, udhëheqësin e fundit të Bashkimit Sovjetik që u shua në moshën 91-vjeçare. Presidenti i Rusisë, Vladimir Putin, shprehu ngushëllimet e tij me anë të zëdhënësit të Kremlinit, Dmitry Peskov. Ai tha se Gorbachev ishte një burrështetas që do të mbetet në librat e historisë, ndërsa nuk munguan dhe kritikat për raportet e tij me perëndimin.

“Ai donte të besonte sinqerisht se Lufta e Ftohtë do të përfundonte dhe se një periudhë romantike e përjetshme mes Bashkimit Sovjetik të Ri dhe botës, apo ‘Perëndimit’ siç e quajmë ne, të vinte. Ai romanticizëm nuk u justifikua, pasi nuk pati periudhë romantike apo ‘një shekull të ëmbël’. Këtë e tregoi vetë etja për gjak e kundërshtarëve tanë”, tha Peskov.

Gorbachev, i cili erdhi në pushtet në vitin 1985, e hapi bllokun komunist të asaj kohe për botën dhe ndërmori disa reforma të reja. Por ai e pati te pamundur të frenojë rënien e ngadaltë të Bashkimit Sovjetik, nga e cila lindi me pas Rusia Moderne. Shumë rusë fajësojnë politikat e tij për rënien e bllokut në vitin 1991, zhvillim të cilin Putin e sheh si një gabim historik. Mesazhe ngushëllimi dhe vlerësimi për Gorbachev kanë mbërritur nga liderë shtetesh të perëndimit.

Presidenti Amerikan, Joe Biden, e quajti atë një udhëheqës të rrallë që rrezikoi karrierën e tij për një të ardhme më të mirë. Vlerësime të larta edhe nga kreu i Kombeve të Bashkuara, Antonio Guterres, që e konsideroi Gorbachev “një njeri që ndryshoi kursin e historisë”.

Në të njëjtën linjë edhe udhëheqësit e vendeve të Bashkimit Europian, Britanisë së Madhe dhe shumë shteteve të tjera. Gjithashtu, mesazhe ngushëllimi për familjen e tij kanë ardhur edhe nga qeveria e Kinës. Gjatë drejtimit të Bashkimit Sovjetik, Gorbachev, arriti disa marrëveshje të rëndësishme për kontrollin e armëve me Shtetet e Bashkuara të Amerikës, i dha fund luftës së përgjakshme sovjetike në Afganistan dhe vendimi më i rëndësishëm erdhi në vitin 1991, kur vulosi shpërbërjen e Bashkimit Sovjetik.

Pas