Zëdhënësi i Kremlinit, Dmitriy Peskov deklaroi se një forcë e tretë, duke përfshirë të huajt, u përpoq të bënte trazira në Serbi.
“Nuk kemi dyshim se qeveria serbe do të sigurojë rendin ligjor”, tha Peskov.
Duke folur për demonstratat kundër rezultateve të zgjedhjeve të përgjithshme dhe lokale të mbajtura në Serbi më 17 dhjetor, Peskov u shpreh: “Ajo që ndodhi është çështje e Serbisë. Ka një qeveri legjitime në vend, e cila ne besojmë se mund të marrë të gjitha masat e nevojshme. Ne nuk kemi ndërhyrë dhe nuk kemi ndërmend të ndërhyjmë në punët e brendshme të askujt, veçanërisht Serbisë, e cila është aleati dhe partneri ynë”.
Peskov tha se i vlerësojnë marrëdhëniet me Serbinë dhe se këto marrëdhënie kanë mundësi të zhvillohen në fusha të ndryshme.
Duke theksuar se kishte deklarata se “nuk ka pasur shkelje” në zgjedhjet e mbajtura në vend, Peskov u shpreh:
“Ne shohim përpjekje nga një fuqi e tretë, përfshirë fuqitë e huaja, për të provokuar trazira në Beograd. Ne nuk kemi dyshim se administrata serbe do të sigurojë rendin juridik”.
